اصنعها بيدك… وابدأ رحلتك مع النجارة من الصفر
اصنعها بنفسك
تحلم تصنع أثاثك بيدك، بس ما تعرف من وين تبدأ؟ هذي الدورة لك.
خطوة بخطوة، بالعربي، وبكل وضوح.
✓ ضمان استرجاع 14 يوم · ✓ وصول مدى الحياة · ✓ كل الشرح بالعربي
أكثر من 50 شخص من الخليج وأوروبا بدأوا رحلتهم في النجارة مع الدورة
من أعمال طلاب الدورة
زهراء بدأت مع الدورة من الصفر… واليوم عندها متجرها الخاص ZERA للأعمال الخشبية.
«الدورة كانت هي بداية طريقي لمشواري، أفدتني واجد»
شاهد المقدمة مجانًا
قبل ما تشتري، تقدر تجرّب بنفسك
بتشوف أسلوبي في الشرح، وتتعرّف على المشاريع اللي راح تنفّذها في الدورة
كل شيء واضح من البداية — جرّبها الآن
وش بتتعلم في الدورة؟
تبدأ بالأساسيات: الأدوات، أنواع الخشب، والمواد اللي تحتاجها.
وبعدها تصنع 6 قطع أثاث حقيقية بيدك، خطوة بخطوة 👇
دورة نجارة بالعربي للمبتدئين، من الصفر
جمعت لك فيها كل اللي تعلمته من سنين في النجارة وتجديد الأثاث.
وش بتحصل:
✓ فيديو لكل خطوة، بشرح صوتي واضح
✓ ملفات PDF بالمقاسات والأدوات لكل مشروع
✓ شرح أنواع الخشب والأدوات الأساسية
✓ وصول مدى الحياة، وترجع لأي درس وقت ما تحتاج
ما تحتاج خبرة، ولا أدوات غالية.
وش داخل الدورة؟
10 أقسام، و6 مشاريع. لكل مشروع فيديو خطوة بخطوة، وملف PDF بالمقاسات والأدوات والمواد.
البداية: الأساسيات قبل أول مشروع
✓ فيديو ترحيبي (تقدر تشوفه مجاناً)
✓ أنواع الخشب، وكيف تختار الخشب المناسب لكل مشروع
✓ الأدوات والمواد اللي تحتاجها، مع قائمة كاملة
المشروع ١: صينية خشبية
أول خطوة مع الخشب: القص، التجميع البسيط، والتشطيب اللي يطلّع جمال الخشب.
المشروع ٢: أصيص زرع
تتعلم الدقة في المقاسات والزوايا، والتشطيب المقاوم للماء.
المشروع ٣: رف جداري
تصنع الرف وحوامله، وتتعلم كيف تثبّته على الجدار بشكل صحيح.
المشروع ٤: طاولة قهوة
أول قطعة أثاث كاملة: القص الدقيق للسطح والأرجل، والتوصيل الخفي بطريقة Pocket Hole، والتشطيب بالزيت أو الورنيش.
المشروع ٥: طاولة جانبية
تطبّق اللي تعلمته في طاولة القهوة على قطعة جديدة، مع تشطيب بالدهان وطبقة حماية.
المشروع ٦: مقعد خشبي
آخر وأقوى مشروع: تركيب قاعدة متينة، والتعامل مع قطع خشب أطول.
من هي فاطمة؟
أنا فاطمة محفوظ، بحرينية أعيش في ألمانيا. مصممة داخلية، وأم لثلاثة أطفال
بدأت أشتغل على مشاريع خشبية في 2020، وشي بشي طوّرت مهاراتي وصنعت أثاث بيدي
وفي 2024، بدأت أرمّم بيت قديم بالكامل مع زوجي
وجمعت كل اللي تعلمته في هالدورة… مصمّمة خصيصًا للمبتدئين، خطوة بخطوة، بدون تعقيد، وبدون أدوات غالية
وش قالوا عن الدورة؟
زهراء — صاحبة متجر ZERA للأعمال الخشبية
الدورة كانت هي بداية طريقي لمشواري، أفدتني واجد 🥹💗
مشتركة في الدورة
الدورة صراحة خفيفة بسيطة ولكن عميقة جداً من ناحية المعلومات والتطبيق… الشخص يخرج منها متعلم. كثير استفدت، جزاك الله خير
تعليق على إنستغرام
خوش دورة وايد استفدت منها ❤️
أسئلة شائعة
ما عندي ورشة، أقدر أبدأ؟
إي نعم. طاولة وحدة في زاوية من البيت تكفي. أغلب المواد اللي نستخدمها ما لها ريحة قوية، والصنفرة تقدر توصلها بالمكنسة عشان ما ينتشر الغبار.
ما عندي أدوات كثيرة؟
ابدأ بالأساسيات، أنا نفسي ما اشتريت كل الأدوات مرة وحدة. حمّل ملف الأدوات المجاني، وفيه الأدوات الأساسية والبدائل.
وش نوع الخشب؟ وألقاه في بلدي؟
كل المشاريع انصنعت بخشب الصنوبر (Pine)، لأنه خفيف وسهل القص وسعره مناسب ومتوفر في أغلب محلات مواد البناء. وتقدر تطلب من المحل يقص لك القطع بالمقاس.
كم مدة الدخول للدورة؟
الدخول مدى الحياة، وتقدر ترجع لأي درس وقت ما تحتاج.
أقدر أشوف الدورة من الجوال؟
إي نعم. بس إذا ما كانت جودة الفيديو واضحة، ننصح تشوف الدورة من كمبيوتر أو آيباد، لأن بعض أجهزة الجوال ما تظهر فيها خيارات تغيير الجودة.
وإذا ما ناسبتني الدورة؟
عندك ضمان استرجاع 14 يوم، بدون أي سؤال.
ضمان استرجاع 14 يوم
إذا اشتركت وحسيت إن الدورة ما تناسبك، ترجع لك فلوسك خلال 14 يوم، بدون أي سؤال.
مناسبة تمامًا للمبتدئين
تنفيذ عملي حقيقي من البداية حتى النهاية
تصوير واضح
شرح صوتي مفصل وخطوات مرتبة
جاهز تبدأ أول مشروع؟
149€ · ضمان استرجاع 14 يوم · وصول مدى الحياة
متردد إذا عندك الأدوات المناسبة؟
حمّل ملف مجاني يشرح لك الأدوات الأساسية والبديلة اللي تحتاجها كمبتدئ في صناعة الأثاث.
يساعدك تبدأ أول مشروع بثقة، حتى لو ما عندك أي خبرة سابقة
هل عندك أثاث قديم؟ لا ترميه
جهزت دليل شامل لتجديد الأثاث، خطوة بخطوة، من الصنفرة إلى الدهان.
يناسب المبتدئين، وكل الأدوات المذكورة متوفرة.